(( مركب ورق))
****
كتبت حروفي على الورق
ورسمت فيه أحلام
وعملته مركب من ورق
في بحر الأيام
نص الكلام غرق
والباقي كان أوهام
أرجع وأكتب تاني
واللا اصحو وأرجع نام
دا الحلم فيّا اتخنق
أشكي لمين دا حرام
أخدوا الأصيل واتشنق
وسابولنا الإجرام
دِلوقتي إيه اللي فَرق
في العيشة والإعدام
حتى الأمان اتسرق
كان حلمي برج حمام
أطير معاه في السما
وعلّي لفوق إنما
لقتني لسه هنا
مهموم ولسه بفوق
تَعَبولي قلبي كلام
وقالولي بكرا تروق
................
بقلم ... الشاعر
.. محمود فرج ..
....................
0 التعليقات:
إرسال تعليق