((سكوت))
------
لما الزمان سلَّم
والحزن فيه علَّم
كل البشربسكوت
ولا حدّ يتكلم
...............
من الشمس راح الدفا
والفرح تاه واختفى
صرخة بشر مكتومة
ضاع الأمان والوفا
...............
ليه يا زمان قاسي
في الدنيا بنقاسي
نجري وراء الفرح
وهو ليه ناسي
...............
الرحمة يا دنيا
والعدل يا دنيا
طبعك دا ليه غدار
بتبيعي في ثانية
...............
هنصالح الأيام
نرسم لها أحلام
ونجيب لها ورد
يحكلها أحلى كلام
...............
يا دنيا ضمينا
بالعطف حسّينا
طبطب بقى يا زمان
وكفاية قسوة علينا
...............
أصل انجرحنا كتير
والجرح فينا كبير
عايشين على حلمنا
مرة نشوف الخير.
.....................
بقلم --محمود فرج
0 التعليقات:
إرسال تعليق