قصيدة / ( قلبى إزاز )
بقلمي / هدى سيد
٢٠١٦/١٢/٨
أنا قلبى إزاز واقع مكسور
متفتفت ١٠٠/ مليون حتة
إبعد و إوعاك منه تقرب
أو حتى تلملم ف شتاته
هتصيبك لعنة من الاتنين
إما هتتفتفت زيه تمام
أو تفقد ذاتك وحياتك
وتعيش مجروح تايه وحزين
أنا مش فاهم أنا فين وأنا مين
جوايا إنسان بيحب الخير
دايما يتمنى يساعد الغير
وما فيش إنسان خالى مشاكل
لكن مبسوط راضى بحالى
وناقصنى حاجات ايوه
ما بانكرش
لكنى باعيش والضحكة معايا
مابتسبنيش
ممكن اضحكها ساعات م القلب
وساعات تانية بتكون م الوش
لكن موجودة ومش بتغيب
فجأة اتقلبت كل الموازيين
اصبحت كئيب وب وش حزين
والدمعة سكنت جوه العين
وظهر قدامى شخص مخيف
ما بقاش عارف يضحك يا لطيف
كل ما بيقرب من غيره
بيلخبط له جميع موازينه
ما هو اصل القلب ازاز مكسور
ازاي هيعالج بقى غيره
والجرح ف قلبه بينزف سيل
أنا قلبى إزاز واقع مكسور
متفتفت ١٠٠/ مليووون حتة
0 التعليقات:
إرسال تعليق