قلم الشاعرة سهير بدران
27 أكتوبر 2014 ·
**ابدا**
::::::
ابدا ما يرضي ربي ولايرضي كل الناس
ان البشر تنداس
ابدا مايرضي ربي ان البشر تنهان
ان البشر تنخان
فوقوا ياناس ياناس يابشر ,ومين يرضاها؟
فوقوا ياناس يابشر دي الساقيه بكره تدور
وياتري المره الجايه مين عليه الدور؟
دي ساقيه ماشيه واله,وماشيه علي رقابنا
ابدا ابدا ماترحم اللي عليه الدور
دي قلوب الرحمه فيها ماتت واله ياناس
او قول مات الاحساس
هوه اللي بتموته مش يبقي برضه اخوك
وازاي يجبلك قلب تقسي عليه وتدوس
وازاي يجيلك قلب وانت شايف دمه
بيسيل علي الارض وانت عليه بتدوس
ولما الروح فارقته ماصعبش برضه عليك
ياقلوب القسوه فيها اقسي من الصوان
هوه انتم فعلا بشر,ولا غلطت القول
هوه انتم فعلا بشر ,ولا الحجر دا احن
ملعون ياقاسي القلب,ملعون فكل كتاب
دا كل دين نهاك والطبع فيك غالب
وانت يااقذر بشر عالكل بتغالب
ابداماهتترحم,دانت قذاره الكون
ابدا ماهتترحم,دانا قادره واله عليك
والدم عندي غالي ,غالي غلاوه الروح
واللي هيجي عليه,منين مني يروح
وانا دمي غالي ياناس
ومايغلي علي ارضي
وعمري ابدا ماهنسي,لو قلبي مني يروح
ابدا دانا ليه تار
وتاري ياناس دا شديد
وماتزعلوش ياناس لو ابدا ماشوفتوني
مش الغلاوه ياناس بتزيد علي الغايبين
ولو غيابي طال,ابدا ماتبكوش
ولو غيابي طال,ابدا مفيش احزان
دالحزن والله ياناس هيكون علي اللي خان
وانا والله ياناس في مكاني والله سعيد
0 التعليقات:
إرسال تعليق