غرقانه ياارض مصر
دم ولادك مالوش حصر
خاين بينبش في وطن
وعملاء عايشين فقصر
دموع فاطمه وتريزا
غالية والله وعزيزه
والقاتل بينفجر فولادي
غواه خاين مالوش عازه
امن خايب له نايب
فات القاتل بمصايب
عالي الصوت والشظيا
واللحم اتكوم بقا دايب
دموع جرجس وحنا
بتبكي يوماتي علي حالنا
حراقة الدمعة علي خدي
التار يا حكومة يبقلنا
بعدالة ناجزه تريحني
يرتاح القلب اللي تاعبني
والردع بسرعة للقتلة
يخوف متربص يقتلني
يا بلد قانونك نايم
مواده تنفع لبهايم
القاتل مرتاح فسجونك
والقاضي عن حكمه صايم
بقلم
الشاعر
..
عادل عباس
0 التعليقات:
إرسال تعليق