قصيده واقعيه بعنوان
((((طعم الحياه))))
شعر / تامرابوهيبه
*****
طعم الحياه انعدم
وكل شىء فيها ضاع
الوانها بهتت حقيقى
وسوادها فعلا شاع
والناس خلاص ادمنت
تبقى الحياه بصراع
عم الفساد عندنا
بالحقد والاوجاع
صارت حياتنا هنا
ع الخطف والاطماع
وضاعت ياناس البلد
وماعادش ليها رجوع
حزينه من شعبها
تبكى الآمها دموع
كرهت خلاص الحياه
كرهت لنا الاوضاع
شايفانا والله ف عوج
شايفانا فى الممنوع
الحقد -- منا -- لنا
تفحل وشكله فظيع
وما عاد كبير وسطنا
يوزن لنا المواضيع
والقهر ذاد وانتشر
عند الفقير والتاع
خطفوا صحيح لقمته
حراميه ليهم باع
وعصابه متأسسه
ع الخطف والاطماع
يارب دى شكوتى
ودعائى لك ياسميع
تنصر بلدنا لنا
من كل باع ودراع
يقصد اذى لمصرنا
يقصد لنا الاوجاع
طعم الحياه انعدم
وكل شىء فيها ضاع
شعر
تامرابوهيبه
0 التعليقات:
إرسال تعليق