الله عليك
لما تقول أحلي الكلام
بنظرة واحده من عينيك
الله عليك
لما حتي ازعلك
وخصامي مايهونش عليك
الله عليك
لما تبقي كل حاجه منك
شكل تاني بس ليك
الله عليك
لما يبقي معني الكلام.والابتسام
حاجه تانيه لو كان عليك
ا لله عليك
لما معاك الدمعه تشفي هموم الكون
لو تمسحها بايديك
الله عليك
لما تبقي ليا وحدي.
لو الف واحده في دنيتك نادت عليك
الله عليك
لما تبقي حاسسني ليك
م أنا روحي ياروحى فيك
الله عليك
واحلي حاجه في عمري
كانت شوقي ليك
الله عليك
لما تمر بفكري وانت بعيد
عن عيني و قلبي بيناديك
الله عليك
لما كلمة بحبك ماتكفي
وصفك ولا توافيك
***
همسات قلم
نور الهدايه
0 التعليقات:
إرسال تعليق