لا تسالني كيف حبيتك
وكيف بنبضات القلب خبيتك
روحي كانت الك مرسال
وجوات هالروح ونسماتها غفيتك
تمنيت تبقى كل العمر حدي
وبالحب والحنان عمرلك بيتك
واديش تمنيت تنزع هالغرور
انا من الصغر عالتواضع ربيتك
بس ما نفعت الترباية معك ولا كنت الوفي
وبين قلبي وبيت القصيد تكون خيرتك
لا اخترت القصيد ولا طيب الكلام
ولا سمعت كيف عملتك لحن وغنيتك
ولا شفت علوحة العشاق صورة ملاك
ولو تعرف كيف بهالصورة وصفتك
عشت طول العمر متل قطة حزينة
وبقيت كل الليل نوي تحت بيتك
وهلق لما فنيت العمر بالاحلام
متل هالحلم اليوم من عمري شطبتك
لا تفكر ترجع هيديك ايام
ولا تفكر انه بعد ابقى زينة ببيتك
رح آخد من قلبك وطن مسلوب
ومتل ما سلبتني الروح روحك سلبتك
مش هيك بيكتبوا علوحة العشاق
حب وغزل وبعت انت وانا يلي اشتريتك
رح تبقى كل العمر حسران
وتتمنى ارجع نجمة تضوي ببيتك
قال...
حبيبة انت وبتبقي حبيبة
ولو كنت غلطان بتعذرني الحبيبة
ولو غابت شمس الضحى باقق السحاب
عن قلبي ابدا عمرك ما تغيبي
الله جعلنا من لما كنا صغار
نصيبك انا وانت نصيبي
سهام العشق نزلت بالهام
وغير سهامك لقلبي لا تصيبي
بتبقي الي اجمل عروس
ولو ع عكاز الشوق غطتني المشيبي
يللا نرجع ايام الصبا
وترجعي الي عروس الامل
وبالامل ترجعلي اجمل حبيبة
قالت...
بطلت كرمالك اكتب الاشعار
وكرمالك بطلت دموع ونوح
بيكفي الم .بيكفي عذاب
بيكفي تحط اصبع ندامة عقلب مجروح
لو رجعت ايام الصبا ورجعت زليخة
بقبلك متل يوسف..
يرجعلي من بعد طول الغياب
وبرجع غني عتابا وميجنا وبلسم جروح
بس ايام الصبا ما عاد ترجع معاك
وكيف بترجع ترد للميت الروح؟
0 التعليقات:
إرسال تعليق