**افتقــــاد **
افتقاد وجارى البحث
عن المملكه المطلوبه
يارب يتفك النحس
وتترد الحقوق المسلوبه
مش لايق عليا التفاهه
محتاج فتره نقاهه
قصه خابت والوضع ثابت
ودخلت جوا المتاهه
وبدور على شيء ضايع
وايه سر الطعم المايع
ماشي حواليه اتلفت
شايف طريق طويل
دماغى من الفكر خفت
مش لاقي اى دليل
كل ممر الاقيه مسدود
وارجع وانا كلى برود
اتصدم والامل ينعدم
والاقى اليأس ليا مشدود
بس بقول فتره مؤقته
وهتتفك العقد المربطه
واقول اجرب واشوف
اليأس ليا مش مألوف
ارجع للطريق بقلب جريىء
وانزع من جوايا الخوف
لازم بقى احاول واعاند
واجرب اكون ع الامل ساند
طالاما هدفى نبيل
هحاول بكل اصرار
مش هفضل عابر سبيل
انا محتاج اوى استقرار
بقلم
شيمــــاء الــدالى
0 التعليقات:
إرسال تعليق